الكل لا زم يمر

السلام عليكم ورحمت الله وبركاته

اليوم ما فيني انزل مواضيع لا كن جاء على بالي نعمل شي جماعي
ابغا كل واحد يدخل الصفحه دي يكتب قصه سارت لو في الطفوله ولما يتذكرها يضحك

حابدا انا اول ...
بايام زمان كنت اسكن بي حاره وكان لي بنت عم زي اختي واكثر

كنت لما ابغا اعمل شي اعرف انو اخرو عقاب لا زم القيلي وحده تجي معايا
كنت ريحه دكان في الحاره الثانيه الي بي جنبنا ومعايا بنت عمي العاقله
كنت عارفه انو وانا راجعه رح القا وحده عجوزه في حالها دايم تجلس مع البزران وتضحك معهم وتلعب
طبعن اختكم في الله جاء في بالها لي ما نعمل شي اكشن ونشوف ايش بيسير
ورحت واخت بنت عمي وقلت لها امشي نبهذل هاذي الحرمه ونشرد البيت
فكانت هيا خايفه انو كيف نعمل كذا بننضرب قلت لها معليك ما تقدر تمشي ورنا بتتعب

ورحت وزعقت باعلا صوتي عجوزه ما تصلي يويلها من ربي تاكل عشاها بدري
وشرده

تركتنا المسكينه وقالت شغب بزران اختكم في اللله قال عقلها والله دايم بتتركنا
وارجع واقلها نفس الشي اليوم الثاني وجات واشتكت لجدتي طبعن جده
مسكينه اعتذرت منها وقالت لنا عيب وبس
راسي اوجعني محد ضربنا ولا سار شي
وسرت كل مره اشوفها اجمع بنات الحاره والعيال واقلهم يقولو لها كذا

طبعن المسكينه تجي وتشتكي وانا مو مباليه ومصره انو لا زم احد يضربني


اخر مره اتحبست في البيت وسرت ممنوعه من خرجت الشارع واكلت لي علقه محترمه وقتها انا وبنت عمي الي مالها ذنب
وبعدهااا بطلت ها الحركه

وسلامتكم

وقبل سنه شفتها بي عزا جدتي الله يرحمها وانقلب العزا ضحك عندي وعند بنات عماني

يا الله انا بانتضار قصصكم ولو ما ضحكتو عادي لا نو اكثر يضحكني انا والي كان معايا

يعطيك العافيه ويجزك خير ذكرتينا باحلا ايامنا بي الطفوله

هاذي قصه من قصص الطفوله الرائعه
كنا بي الاجازات نطلع قريتنا المفضله ام الموقف والذكريات الرائعه

كان لنا في بيت جدي بلكونه خاصه بي البنات وعيبها كانت تطل على قسم الرجال
وكان عيال عماننا قاعدين لنا يحرشو عماني على انهم يقفلو البلكونه
وكنا نعاند ونطلع وفي يوم من الايام ارسل عمي الكبير وحد من عيالو عشان يقفل الزرفيله
ويثنيها على الباب ولا كن احنا كنا قدها وقدود ما في شي مستحيل جبنا زراديه وفكيناها

وخرجنا نوريهم احنا قدرنا نفتحها
وكنا عشان نغيضهم نشرب الببسي ونعبيه مو يه ونرميه عليهم وطبعن الببسي من ثلا جه الرجال
ونقول ترى فتحناها احسن مره ثانيه لعد تتدخلو فينا رح نقدر نفتح الباب

وكان العناد ميزه فينا وكانو ينتقمو منا اذا نزلنا الحوش في قسم الحريم يقفو ورا الباب الكبير ويطلعو اصوات مخيفه
وعشنا احلى ايام حياتنا في بيت جدي الله يرحمه فيه احلا الذكريات لا يمكن
ننساها وكل واحد كان له بصمه بها البيت بنت او ولد اتمنا تنال اعجابكم

اوك تسلم ع المرور ولو انها كبيره طفل ما عمره شاغب اكتبها في التاريخ ان شا الله
راضين قصه سارت لك مو شرط وانت صغير ممكن تكون وانت بي المتوسط اوحتا الابتدئي

وووين ما اشوف احد يكتب اختفو ولا الكل ما عنده قصص

سلام حابه افعل الموضوع لاني ما عمال اشوف اي تفاعل
رح تضل الفكره نفسها اكتب قصه سارت لك بي الطفوله تضحك ... للي عنده قصص

والي ما عنده ممكن يكتب قصه محرجه سارت لو مو شرط وهو صغير وحتا وهو كبير او حتا بي المدرسه بي العمل
بي النادي بي الملعب بي المستشفا بي البيت باي مكان كان المهم حاجه احرجتو ....

مره وانا صغير كنت في التمهيدي ابوي كان يكلم اخوي الكبير وانا فهمتها وقال ابوي شوف اخوك الصغي فهمها وهي طايره طبعا انا كنت صغير مافهم شيئ فقمت طالعت فوق وقلت وينها

هذي قصه ثانيه لي وانا صغير ممكن في 1 ابتدائي
كنت انا واخواني مشاغبين جدا وكنا ندخل غرفة ابوي ونخربها وكان يقول لنا ياقرود
بعدين كنا مسافرين ووقفنا نصلي ابوي خلص صلاته اول واحد باقي اخواني الكبار
بعدين انا نزلت من السياره وقال لي ابوي اركب لا تجي القرود تاخذك قلت له عادي
على الاقل اروح لعائلتي
فهمتوها

مرهاخوي الي اصغر مني ضرب اخوي الي اصغر منه وصاح اخوي الصغير ومن خوف اخوي الي اصغر مني قال له اضربني